isa kang damong ligaw na naligaw sa buhay ko

Damong ligaw.

Mga bagay, tao o pangyayari 

Na patuloy na kumakain 

Ng mabuting kalooban mo.

Sila ang pumipigil 

Sa pagsibol ng iyong kagandahan

Kadakilaan

at kagalingan.

Minsan akala natin

na ang presensiya nila ay normal lang

Pero di natin pansin

na unti-unti na pala nitong kinakain 

Ang ating kasiyahan, ang ating kagiliwan sa buhay.

Kaya ang Hardinero, kapag nakita ang damong ligaw

Tinatanggal ito.

Dahil alam niya na mas makakasira ito kesa sa ikabubuti nito.

Tingin ko, ikaw ang damong ligaw ng buhay ko.

Isang damong naligaw,

Akala ko nung una, masaya

Na makakabuti ka.

Pero hindi pala.

Pilit ko iniisip kung ano ka ba talaga

At yun, nahanap ko rin ang tamang kataga

Damong ligaw. Oo, Ikaw ang damong ligaw.

Na paminsan-minsan, patuloy pa rin ang pagtubo

Pero paulit-ulit ka na tinatanggal sa buhay ko.

Oo, damong ligaw.

Minsan nahihirapan akong tanggalin ka

Pero alam ko na kapag inalis ka, kapag nawala ka

Mas magiging okay ako. Mas magbubunga ako.

(hindi pa natapos dahil hindi alam kung paano tatapusin ang pagiging damong ligaw niya sa buhay ko)